पावसाच्या पाण्यात वाहू लागली कार, स्थानिकांनी वाचवला प्रवाशांचा जीव

मुंबई येथून केळवे येथे आलेल्या एका दाम्पत्याला केळवे रोड स्थानकानजीक असलेल्या पाण्याचा अंदाज न आल्याने दाम्पत्याची कार पाण्यामध्ये अडकून पडले.

पालघर- पालघरमध्ये 3 दिवसांपासून सुरू असलेल्या पावसामुळे शहरात सर्वत्र पाणी झाले आहे. त्यामुळे केळवे रोड येथे या पाण्यामध्ये एक स्विफ्ट कार पाण्यामध्ये वाहून जात होती. मात्र, स्थानिकांनी कारमधील 4 प्रवाशांना सुखरूप बाहेर काढले आहे. तसेच वाहून जाणारी कारही पाण्याबाहेर काढण्यात नागरिकांना यश आले आहे.

मुंबई येथून केळवे येथे आलेल्या एका दाम्पत्यांला केळवे रोड स्थानकानजीक असलेल्या पाण्याचा अंदाज न आल्याने दाम्पत्याची कार पाण्यामध्ये अडकून पडले. तर पाण्याचा प्रवाह वाढल्याने पाण्यासोबत कार वाहत जात होती. ही बाब स्थानिकांच्या लक्षात येताच स्थानिकांनी कारमधील दाम्पत्याला व 2 लहान मुलांना सुखरूप बाहेर काढले.

दरम्यान, पावसाचे दिवस असून नदी- नाल्यांना पूर येत आहे. त्यामुळे गाडी पार करताना आपल्या आयुष्याशी खेळू नका, असे आवाहन आपत्ती व्यवस्थापन विभागाकडून करण्यात आले आहे.