पालघर -शहरातील पास्थळ येथील अॅक्सिस बँकेचे एटीएम चोरट्यांनी फोडल्याची घटना घडली आहे. एटीएममधील रोख चोरून चोरटे पसार झाले आहेत. चोरट्यांच्या शोधासाठी पोलिसांचे पथक रवाना झाले आहे.
बोईसर नजीक पास्थळ येथील अॅक्सिस बँकेचे एटीएम चोरट्यांनी फोडले आणि त्याचील रोख रक्कम घेऊन ते पसार झाले आहेत. एटीएमचा सुरक्षारक्षक गैरहजर असल्याने ही घटना घडली आहे. दरम्यान एटीएममधील सीसीटीव्ही कॅमेराही ही बंद अवस्थेत असल्याची प्राथमिक माहिती आहे. घटनेची माहिती मिळताच बोईसर पोलीस घटनास्थळी दाखल झाले असून याप्रकरणी अधिक तपास बोईसर पोलीस करीत आहेत.