उस्मानाबाद- लोहारा तालुक्यातील खेड पाटीजवळ कंटेनर कारचा भीषण अपघात झाला. या अपघातात चालकासह एक महिला व दोन लहान मुलींचा जागीच मृत्यू झाला आहे. तर अन्य पाच जण गंभीर जखमी झाले आहेत.
हेही वाचा-COVID-19 LIVE : देशात २२३ रुग्ण, तर राज्यातील कोरोनाग्रस्तांची संख्या ५२..
पुण्यातील कोरोनाच्या वाढत्या प्रादुर्भावामुळे बाहेरगावातील पुण्यात राहणारे नागरिक गावाकडे येत आहेत. पुण्याहुन मागणीकडे कारने येणाऱ्या अशाचा नागरिकांचा अपघात झाला आहे. त्यांची कार गावापासून तीन किलोमीटर अंतर असतानाच खेड पाटीजवळ माकणीहुन येणाऱ्या कंटेनरने ( एम एच 13 आर 1287) कारला (एम एच 12 पीएच 6326) धडक दिली.
कारमध्ये नारायण साठे व सतिश पवार यांचे कुटूबिय होते. या अपघातात चालक नेताजी मनोहर मोरे यांच्यासह मनिषा नारायण साठे, वैष्णवी नारायण साठे, वैभवी नारायण साठे यांचा मृत्यू झाला. तर नारायण हरीदास साठे व त्यांचा मुलगा हरीश नारायण साठे हे गंभीर जखमी झाले आहेत. यातील दोघांना सोलापूर तर तिघांना उस्मानाबादला पुढील उपचारासाठी दाखल करण्यात आले आहे.
शितल सतिश पवार, सांस्कृती सतिश पवार, वेदांत सतिश पवार हे ही गंभीर जखमी झाले असून त्यांनाही पुढील उपचारासाठी उस्मानाबादला हालविण्यात आले आहे.