येवला (नाशिक) - गणेश उत्सव दोन महिन्यांवर आल्याने येवला तालुक्यातील पिंपळगाव लेप येथील मूर्तिकाराने कारखान्यांमध्ये चार ते साडेचार हजारपर्यंत मोठ्या व लहान आकाराच्या गणेशमूर्ती तयार करून ठेवल्या आहे. मूर्तिकार दत्तू रसाळ हे दरवर्षी नाशिक, मालेगाव, सिन्नर, पुणे, नगर येथे ऑर्डर घेऊन गणेशमूर्तीचा पुरवठा करतात. मात्र, त्यांना अजून एकही ऑर्डर मिळालेली नाही. त्यांनी तर दिवाळी पासूनच गणेश मूर्तीचे काम सुरू करून ठेवले आहे. आजच्या घडीला त्यांच्या कारखान्यांमध्ये साडेचार हजारहून अधिक गणेश मूर्ती तयार आहेत. त्यांना रंगवण्याचे कामही चालू आहे.
गणेशमूर्तिकार संकटात, ऑर्डर मिळण्याच्या आशेवर कारागीर मूर्ती बनवण्यात मग्न