नाशिक -विठ्ठल सगळं करणार असेल, तर तर तुमची गरज काय? असा प्रश्न निर्माण होतो. सगळ विठ्ठलावर सोडणाऱ्या मुख्यमंत्री उध्दव ठाकरे यांनी सरकारमधून पाय उतार व्हावे, अशी टीका शिवसंग्रामचे अध्यक्ष विनायक मेटे यांनी केली. शासकीय विश्रामगृहा घेतलेल्या पत्रकार परिषदेत ते बोलत होते.
तर मुख्यमंत्र्यांनी पायउतार व्हावे
हे महाविकासआघाडी सरकार निराशावादी आहे म्हणून त्यांनी प्रयत्न न करता सगळे देवावर सोडले. त्यामुळे त्यांना सरकारमध्ये राहण्याचा नैतिक अधिकार नाही. करोनाची परिस्थिती हाताळण्यात हे सरकार अपयशी ठरले आहे. राज्यातील मराठा समाजाकडे सरकारचे दुर्लक्ष होत आहे. मराठा आंदोलनातील नागरिकांवरील गुन्हे अद्याप मागे घेण्यात आले नाही. कोपर्डीच्या बहिणीला अजून न्याय मिळालेला नाही. त्यामुळे पुन्हा एकदा रस्त्यावर उतरावे लागेल, असा इशारा मेटे यांनी दिला.