नाशिक- राष्ट्रवादीचे अध्यक्ष शरद पवार यांनी नाशिकच्या विकासावरून मुख्यमंत्री देवेंद्र फडणवीस यांच्यावर जोरदार निशाणा साधला. नाशिक आम्ही दत्तक घेऊ असे मुख्यमंत्री म्हणाले होते. मात्र, नाशिकला मुख्यमंत्र्यांसारख्या दत्तक बापाची गरज नाही. आम्हाला गरीब बाप चालेल पण स्वाभिमानी हवा, खरे प्रेम करणारा हवा असे वक्तव्य पवार यांनी केले.
अपूर्व हिरे यांच्या प्रचारार्थ आयोजित सभेत शरद पवार बोलत होते. आता बदलाची परिवर्तनाची वेळ आली आहे. यासाठी आपण डॉक्टर अपूर्व हिरे यांना येणाऱ्या २१ तारखेला मतदान करून, प्रचंड मतांनी निवडून द्यावे, असे आवाहन पवार यांनी केले.