नाशिक- कोरोना विषाणू संसर्गात राज्यातील डॉक्टर व कर्मचारी जीवाची बाजी लावून काम करत आहेत. मात्र संचारबंदी असताना मालेगावमध्ये आमदार मौलाना मुफ्ती मो. ईस्माईल यांच्या समवेत आलेल्या सुमारे २० ते २५ कार्यकर्त्यांनी रुग्णालयाचे वैद्यकीय अधिकारी डॉ. किशोर डांगे यांच्याशी रात्री आठच्या सुमारास हुज्जत घालून त्यांना धक्काबुक्की करण्याचा प्रकार घडला. या घटनेमुळे संताप व्यक्त करण्यात येत आहे.
खळबळजनक; मालेगावात संचारबंदीत रुग्णालयातील डॉक्टर, कर्मचाऱ्यांना धक्काबुक्की
सामान्य रुग्णालयात दाखल असलेल्या दोन संशयित कोरोना बाधित रुग्णांवर उपचार सुरू होते. सामान्य रुग्णालय पूर्ण क्षमतेने कार्यरत असताना आमदार मौलाना मुफ्ती मो. ईस्माईल हे रात्री ८ वाजता रुग्णालयात आले. यावेळी त्यांच्या समवेत सुमारे २० ते २५ कार्यकर्ते होते. यावेळी कार्यकर्त्यांसह ते वैद्यकीय अधिकारी डॉ. किशोर डांगे यांच्या दालनात शिरले. डॉक्टरांनी फोन उचलला नाही, म्हणून तेथे त्यांनी आरडाओरड व मोठमोठ्या आवाजात शिवीगाळ करण्यास सुरुवात केली.