येवला (नाशिक) - तालुक्यातील कोळगाव येथील माळवाडी येथे राहणारे बबन देवराम कमोदकर यांच्या शेतातील चारा व मक्याच्या बिट्या आग लागून जळून खाक झाल्या आहेत. आगीत या शेतकऱ्याचे जवळपास दहा ट्रॉली मक्याचा चारा, दहा ट्रॉली मक्याच्या बिट्या, दहा ट्रॉली बाजरी चारा, तसेच मठाचे व बाजरीचे भूस जळून खाक झाले असल्याने लाखो रुपयाचे नुकसान झाले आहे. या बाबतचा नुकसानीचा पंचनामा तलाठ्याकडून करण्यात आला असून तो अहवाल वरीष्ठाकडे पाठविला आहे.
येवला