नाशिक - आज कुणाला 10 रुपये मिळाले, तरी कुणी परत करत नाही. मात्र, नजरचुकीने आलेले थोडे नाही तर तब्बल 60 हजार रुपये एका प्रामाणिक शेतकऱ्याने परत केले आहे. मनमाड बाजार समितीमधील शेतकरी भावराव एडवर्ड शिंदे यांनी मका विकून जास्त आलेले 60 हजार व्यापाऱ्याला परत दिले.
शेतकऱ्याचा प्रामाणिकपणा
याबाबत सविस्तर माहिती अशी, की मनमाड येथील शेतकरी भाऊराव शिंदे यांनी 16 डिसेंबरला त्यांच्याकडील 55 क्विंटल मका मनमाड बाजार समितीत प्रतीक ट्रेंड्स कंपनीला विकला. बाजार भावाप्रमाणे शिंदे यांना 1 लाख 7 हजार रुपये देण्यात आले. ते पैसे पिशवीत ठेऊन शिंदे घरी आले. घरी आल्यानंतर त्यांनी पैसे मोजले तेव्हा त्यात त्यांना 60 हजार रुपये जास्त आढळून आले.