नाशिक - दिंडोरी तालुक्यातील खोरीपाडा येथे बिबट्याने सात शेळ्या आणि दोन गाई फस्त केल्याची घटना घडली. या घटनांमुळे परिसरातील शेतकरी भयभीत झाले आहेत. या शेळ्या बिबट्याने जंगल परिसरात ओढून नेल्या होत्या. शेळ्यांचा मृत्यू जंगलात झाल्याचे कारण देत वनविभागाने या घटनांचे पंचनामे करण्यास सपशेल नकार दिल्याने असंतोष व्यक्त केला जात आहे.
दिंडोरी तालुक्यातील खोरीपाडा गावात बिबट्याची दहशत
हिरामन तुकाराम खांडवी यांच्या खोरीपाडा शिवारातील शेतात दोन गाई बांधावर बांधलेल्या होत्या. या गाई बिबट्याने फस्त केल्या आहेत. गेल्या तीन वर्षांपुर्वी खांडवी यांच्या याच शेतात एक गाय बिबट्याने फस्त केली होती. तेव्हा त्यांना नुकसानभरपाई मिळाली होती. मात्र, आता नियमावली दाखवून अधिकारी भरपाई देण्यास टाळाटाळ करत आहेत, असा आरोप त्यांनी केला आहे.