नंदुरबार - कोरोना रुग्ण संख्येत मोठ्या प्रमाणावर होत असताना अनेक तरुणांचा कोरोनाने बळी घेतला आहे. मात्र, नंदुरबार जिल्ह्यातील वड़ाळी येथील 73 वर्षीय वृद्धाने हिंमत न हारता कोरोनावर मात केली आहे.
कोरोनावर जिद्दीने केली मात -
शहादा तालुक्यातील वडाळी येथील एका ७३ वर्षीय वृद्धाला कोरोनाची लागण झाली होती. वाढते वय आणि शरीरातील ऑक्सिजनची पातळी 60 पर्यत पोहचल्याने त्यांची प्रकृती खालावत चालली होती. त्यानंतर त्यांना जिल्हा शासकीय रुग्णालयात दाखल करण्यात आले. येथे त्यांच्यावर 10 दिवस उपचार केल्यानंतर त्यांनी कोरोनावर मात केली. हे 73 वर्षीय वृद्ध विठोबाचे निस्सीम भक्त आहेत. तब्बल 12 वर्ष त्यांनी आणि त्यांच्या पत्नीने नंदुरबार ते पंढरपूर अशी वारी केली आहे. त्यामुळे त्याच शरीर काटक झाले आहे. शेकडो किलो मीटरच्या पायी प्रवासाने त्यांची प्रतिकार शक्ती वाढली असल्याने त्यांनी या वयात कोरोनावर मात केली असल्याचे त्यांच्या पत्नीने सांगितले.