नंदुरबार - जिल्ह्यात दिवसेंदिवस कोरोनाबाधितांच्या संख्येत वाढ आहे. शनिवारी दिवसभरात चार वेगवेगळ्या टप्प्यात आलेल्या अहवालात 21 नविन बाधितांची नोंद करण्यात आली. यामुळे जिल्ह्यातील एकूण बाधितांची संख्या 355 वर पोहोचली आहे.
शनिवारी आढळलेल्या 21 बाधितांमध्ये शहरातील 14 तर शहादा तालुक्यातील 7 बाधितांचा समावेश आहे. तर यासोबत शनिवारी शहादा तालुक्यातील पाडळदा येथील 74 वर्षीय वृध्दाने कोरोनावर मात केली. त्यांना रुग्णालयातून सुटी देण्यात आली आहे.
राज्यात कोरोनाचा प्रादुर्भाव झाल्यावर सुरुवातीला नंदुरबार जिल्ह्यात कोरोनाची रुग्णसंख्या खुप कमी होती. नंतरच्या काळात जिल्ह्यात एकही कोरोनाबाधित नव्हता. त्यामुळे जिल्हावासियांमध्ये आनंदाचे वातावरण निर्माण झाले होते. मात्र, मे महिन्यात पुन्हा कोरोनाबाधित आढळले. यानंतर त्यांच्या संख्येत वाढ होत आहे. सध्या जिल्ह्यातील एकूण बाधितांची संख्या 355 वर पोहोचली आहे.
शनिवारी चार टप्प्यात कोरोनाबाधितांचे अहवाल प्राप्त झाले. त्यात दुपारी प्राप्त झालेल्या अहवालात पाच, सायंकाळी 11, त्यानंतर आणखी एक व्यक्ती तसेच रात्री आलेल्या अहवालात आणखी चार जण कोरोना पॉझिटिव्ह आढळुन आले.
शनिवारी आढळेलेले कोरोनाबाधित -
| तालुकानिहाय आकडेवारी | एकूण रुग्ण | बरे झालेले रुग्ण |
| नंदुरबार | 244 | 133 |
| अक्कलकुवा | 15 | 15 |
| धडगाव | 1 | 1 |
| शहादा | 74 | 36 |
| नवापूर | 5 | 4 |
| तळोदा | 20 | 18 |