नांदेड- माहूर शहरात पिसाळलेल्या कुत्र्यांनी उच्छाद मांडला असून आज दिवसभरात आठ जणांचे लचके तोडले. याच कुत्र्याने एका गाईवर सुद्धा हल्ला केला. यामुळे शहरात भीतीचे वातावरण पसरले आहे.
माहूर शहरात पिसाळलेल्या कुत्र्याचा उच्छाद
माहूर शहरातील आबासाहेब पारवेकर नगरच्या पाठीमागील तहसील रोड व ग्रामीण रुग्णालय परिसरात पिसाळलेल्या कुत्र्याने आठ लोकांना चावा घेतला. यात सृष्टी शामराव राकडे (रा गोंडवडसा, ६ वर्षे), तनुजा राम जयस्वाल (३ वर्षे) ,धनराज सीताराम बाभुलकर (३ वर्षे) या तीन लहान मुलांसह बाबु धनू राठोड( वय ६६ वर्षे), जय किशोर तेल्हारे(वय २० वर्षे, सर्व रा. माहूर) याचा समावेश आहे. त्यांच्यावर माहूर ग्रामीण रुग्णालयात डॉ. मोरे यांनी उपचार करून पुढील उपचारासाठी यवतमाळला हलविले.