नांदेड -दक्षिण भारतात प्रसिद्ध असलेल्या असलेल्या तीर्थक्षेत्र माळेगाव येथील श्री खंडोबा यात्रेवर यंदा कोरोना संसर्गाचे व ग्रामपंचायत सार्वत्रिक निवडणुकीच्या आचारसंहितेचे सावट आहे. शासनाच्या सूचना आणि निर्देशानुसार यात्रा भरवता येणार का? या बाबत संदिग्धता निर्माण झाली आहे. अंतिम निर्णय घेण्यासाठी लवकरच जिल्हा परिषदेमध्ये बैठक आयोजित केली जाण्याची शक्यता आहे .
दक्षिण भारतात प्रसिद्ध असलेल्या माळेगाव येथील यात्रेवर कोरोनाचे सावट...!
येथील बाजार देशभरात प्रसिध्द -
जिल्ह्यातील माळेगाव (ता. लोहा) येथील श्री खंडोबाच्या यात्रेला दरवर्षी लाखो भाविक येत असतात. या यात्रेचे नियोजन जिल्हा परिषदेकडून केले जाते. यात्रेत भरणारा बाजार देशभरात प्रसिद्ध आहे. विविध प्राण्याची येथे मोठी खरेदी-विक्री होते. किमान महिनाभरापासून यात्रेच्या नियोजनाची लगबग सुरु असते. देशभरातील व्यापारीसुद्धा माळेगावच्या दिशेने कूच करत असतात.