नांदेड- लोकसभेचे काँग्रेसचे उमेदवार आणि काँग्रेस प्रदेशाध्यक्ष अशोक चव्हाण यांनी आपल्या पत्नी आमदार अमिता चव्हाण यांच्यासह सकाळी दहा वाजेच्या सुमारास शिवाजीनगर भागातील मतदान केंद्रावर जाऊन मतदान केले आहे.
अशोक चव्हाण यांनी आमदार अमिता चव्हाण यांनी मतदानाचा हक्क बजावला आहे.
नांदेड लोकसभा सार्वत्रिक निवडणूकीसाठी आज २ हजार २८ मतदान केंद्रावरुन सकाळी ७-०० वाजल्‍यापासून मतदान प्रक्रियेला सुरुवात झाली आहे. जिल्‍ह्यात १७ लाख १७ हजार ८२५ मतदार मतदानाचा हक्क बजावणार आहेत. लोकसभा सार्वत्रिक निवडणूकीसाठी नांदेड लोकसभा मतदार संघात २ हजार २८ मतदान केंद्रावर मतदान होणार आहे.
