नांदेड - दरोडा टाकण्याचा तयारीत असलेल्या ५ पैकी एका आरोपीस अटक करण्यात भाग्यनागर पोलिसांना ( Nanded Police ) यश आले आहे. अन्य ४ आरोपी अंधाराचा फायदा घेऊन पसार झाले. आरोपी रवी नारायण ठाकूर (वय ३२) याला पोलिसांनी बेड्या ठोकल्या. या आरोपीकडून पिस्तूल आणि जिवंत काडतुसे जप्त करण्यात आली.
पिस्तूल, जिवंत काडतुसे जप्त - नांदेडमध्ये पकडलेल्या या आरोपीकडून पिस्तूल आणि जिवंत काडतुसे जप्त करण्यात आली. रात्रीच्या वेळी गस्तीवर असणाऱ्या पोलिसांनी ही कारवाई केली. पोलीस निरीक्षक सुधार आढे यांना ५ जण दोरडा टाकणार असल्याची माहिती मिळाली. त्यांनी आपल्यासोबत काही पोलीस कर्मचारी घेऊन शिवनगर रस्ता गाठला. पोलिसांची गाडी पाहून तिघांनी अंधाराचा फायदा घेत पळ काढला.