नांदेड - बिलोली - नरसी रोडवरील लोहगाव फाटा (ता. बिलोली) येथे 2 दुचाकींची समोरासमोर धडक झाली. यात 4 जण जखमी झाले आहेत. ही घटना रविवारी (9 मे) दुपारी 4 वाजण्याच्या सुमारास घडली. या अपघातातील दोघांची प्रकृती चिंताजनक असून जखमींना उपचारासाठी शासकीय रूग्णालय विष्णूपुरी येथे दाखल करण्यात आले आहे.
मयूर कांबळे (रा. दिग्रस, ता. कंधार) व संध्या अनिल सुरे (रा. सिद्धार्थनगर, ता. कंधार) कंधारकडून बिलोलीकडे दुचाकीवर जात होते. तर वैभव चालीकग्राम भाटी (रा. रूद्रपूर ता. बिलोली) व पंकज अशोक बामणे (रा. रूद्रपूर, ता. बिलोली) हे बिलोलीकडून नरसीकडे येत होते. यावेळी लोहगाव फाटा येथील पेट्रोल पंपाजवळ समोरासमोर या दुचाकींची धडक झाली. यात मयूर कांबळे हा गंभीर जखमी झाला आहे. चौघांवरही नायगाव येथील ग्रामीण रूग्णालयात प्राथमिक उपचार करून पुढील उपचारासाठी नांदेड विष्णूपुरी येथील शासकीय रूग्णालयात दाखल करण्यात आले आहे. यावेळी घटनास्थळी मोठा रक्तस्त्राव झाला होता.