नांदेड - येथील नांदेड - हैदराबाद महामार्गावरील नेकलेस रस्त्यानजीक स्थानिक गुन्हा शाखेने गुटखा भरलेला एक ट्रक पकडला आहे. शनिवारी रात्री 1 वाजेच्या सुमारास हा ट्रक पकडण्यात आला. पोलीस अधीक्षक संजय जाधव यांना प्राप्त माहितीनुसार, या ट्रकसह पकडलेल्या मुद्देमालाची किंमत 25 लाख 36 हजार रुपये आहे.
नांदेडमध्ये 30 पोते गुटखा पकडला; ट्रकसह 25 लाख 36 हजारांचा ऐवज जप्त
संजय जाधव यांना प्राप्त झालेल्या गुप्त माहितीच्या आधारवर त्यांनी स्थानिक गुन्हा शाखेने गुटखा पकडण्याची जबाबदारी देण्यात आली होती. स्थानिक गुन्हा शाखेचे पथक नेकलेस रस्त्यानजीक पोहचले होते. तेव्हा रात्री १ वाजेच्या सुमारास त्यांना ट्रक क्रमांक एम एच ३१ जी ६५९९ दिसला. त्याला थांबवून तपासणी केली असता त्यात अनेक प्रकारचे प्रतिबंधित गुटख्याचे थैले भरलेले आढळले. अधिक तपासणी केल्यानंतर एकूण 30 थैल्यांमध्ये गुटखा भरलेला होता.