नागपूर -राज्य सरकारच्या नागपुरातील वस्त्रोद्योग आयुक्त कार्यालयातील सहायक आयुक्तांना लाचेची मागणी केल्याच्या आरोपात लाच लुचपत प्रतिबंधक विभागाने अटक केली आहे. योगेश बाकरे, असे अटक करण्यात आलेल्या सहायक आयुक्तांचे नाव आहे.
लाच मागितल्याप्रकरणी सहायक वस्त्रोद्योग आयुक्तांना अटक
या प्रकरणातील तक्रारदार हे सुरक्षा रक्षक एजन्सीचे संचालक आहेत. एजन्सीच्या थकीत साडे नऊ लाख रुपयांचे बिल मंजूर करण्यासाठी सहायक आयुक्त योगेश बाकरे यांनी तीन लाख रुपयांचा लाचेची मागणी केली. याबाबत तक्रारादाने लाच लुचपत प्रतिबंधक विभागाकडे तक्रार केली. त्यानंतर लाचलुचपत प्रतिबंधक विभागाने योगेश बाकरे यांना अटक केली. अटक केल्यावर न्यायालयात हजर केल्यानंतर न्यायालयाने बाकरे यांना दोन दिवसांची पोलीस कोठडी मिळाली आहे.