नागपुरात २७ जुगारांवर कारवाई, ९ लाखांचा मुद्देमाल जप्त

अजनी पोलीस ठाण्याअंतर्गत जुगार अड्डयावर छापा मारत 27 जुगाऱ्यांवर कारवाई करण्यात आली. त्यांच्याकडून रोख रक्कम, दुचाकी व अन्य साहित्य, असा 9 लाखांचा मुद्देमाल जप्त करण्यात आला.

नागपूर- अजनी पोलीस ठाण्याअंतर्गत जुगार अड्डयावर छापा मारत 27 लोकांवर जुगार प्रतिबंध अधिनियम कायद्यानुसार कारवाई करण्यात आली. याप्रकरणी दोघांना अजनी पोलिसांनी ताब्यात घेतले आहे.

संदीप नाडी, पंकज धोटे, असे आरोपींचे नाव आहे. पंकज धोटेच्या घरी हा जुगार अड्डा सुरू असल्याची माहिती पोलिसांना मिळाली होती. त्यानुसार पोलिसांनी त्या ठिकणी छापा टाकला. यामध्ये 2 लाख 94 हजार रूपयांची रोकड, दुचाकी व अन्य साहित्य असा एकूण 9 लाखांचा मुद्देमाल पोलिसांनी जप्त केला आहे.

हेही वाचा - शेतकऱ्यांनी शेतीतील नव्या तंत्रज्ञानाचा फायदा घ्यावा - नितीन गडकरी