नागपूर - पती-पत्नीच्या भांडणाचा वचपा काढण्यासाठी मेहुणीच्या एक महिन्याच्या चिमुकल्याची निर्घृण हत्या केल्याची धक्कादायक घटना जिल्ह्यातील पारशिवणी येथील बाखरी (पिपळा) गावात घडली. आज मंगळवारी त्या मुलाच्या नामकरणाचा कार्यक्रम होता. मात्र, त्यापूर्वीच त्याचा मृत्यू झाला. याप्रकरणी पोलिसांनी आरोपीला अटक केली आहे.
पती-पत्नीच्या भांडणात मेहुणीचा १ महिन्याचा चिमुकला ठरला बळी, मंगळवारी होते नामकरण
काय आहे प्रकरण?
गणेश गोविंद बोरकर असे आरोपीचे नाव आहे. तो जिल्ह्यातील कुही येथील रहिवासी आहे. त्याचे लग्न बाखरी (पिपळा) येथील खुशाल वारकर यांच्या मोठ्या मुलीशी झाले होते. गणेश नेहमीच त्याच्या पत्नीला मारहाण करायचा. त्यामुळे ४ दिवसांपूर्वीच त्याची पत्नी माहेरी बाखरी गावी गेली होती. बायको नांदायला येत नाही या कारणावरून गणेश संतापला होता. तो गेल्या २ ते ३ दिवसांपासून सासरी जाऊन सासरच्या मंडळीसोबत वाद घालत होता.