नागपूरमध्ये 2 ते 18 वर्षाच्या बालकांवर होणार कोरोनावरील लसीची चाचणी

अद्यापर्यंत 2 ते 18 वयोगटातील बालकांसाठी आद्यप लस उपलब्ध नाही. यासाठी मानवी चाचणीला भारतीय औषध महानियंत्रकाकडून परवानगी देण्यात आली आहे.

नागपूर - कोरोनाची तिसरी लाट येणार आणि त्याचा संभाव्य धोका हा लहान मुलांना राहण्याची शक्यता तज्ज्ञांकडून वर्तवली जात आहे. यासाठी 2 ते 18 वयोगटातील बालकांसाठी आद्यप लस उपलब्ध नाही. यासाठी मानवी चाचणीला भारतीय औषध महानियंत्रकाकडून परवानगी देण्यात आली आहे. यामुळे यात देशातील तीन रुग्णलायत ही चाचणी होणार आहे. यामध्ये उपराजधानी नागपूरसुद्धा समावेश आहे.

दोन महिन्यांपूर्वी मागीतली होती परवानगी -

कोरोना लसीच्या मानवी चाचणीला (ट्रायल) मंजुरीसाठी मागील दोन महिन्यांपासून परवानगी मागण्यात आली होती. पण तिसऱ्या लाटेचा धोका पुढे पाहता अखेर परवानगी मिळाल्याने सुखद बातमी पुढे येत आहे. दिल्ली, पाटणा आणि नागपूरात मेडिट्रीना या रुग्णलायत ही ट्रायल होणार असून वरिष्ठ बालरोग तज्ज्ञ डॉ. वसंत खळतकर यांच्याकडे मानवी ट्रायल घेतली जाणार आहे.

तिरऱ्या लाटेच धोका बघता लसीकरण आवश्यक -

पहिल्या लाटेननंतर दुसऱ्या लाटेत मोठ्या प्रमाणात 2 ते 18 या वयोगटात कोरोनाची लागण झाल्याचे पुढे आले. यात कोरोना वायरसमध्ये म्युटेशन असल्याने संसर्ग झपाट्याने वाढत असताना लसीकरण करून घेणे गरजेचे असणार आहे. तिसरी लाट ही किती धोकादायक राहील याचा अंदाज घेता येणार नाही. यामुळे या वयोगटात लसीकरण होणे गरजेचे आहे. यासाठी भारत बायोटेक कंपनी २ ते १८ वर्षपर्यंतच्या मुलांवर ‘कोव्हॅक्सिन’ लसीच्या ट्रायलला परवानगी मिळावी, यासाठी सातत्याने पाठपूरावा करत होती. भारतीय औषध महानियंत्रकाकडून परवानगी मिळाल्याने लवकरच चाचणीला सुरवात होईल, अशी आशा व्यक्त केली जात आहे.