मुंबई -आज सकाळी ७ वाजेपासून राज्यभरात विधानसभा निवडणुकीसाठी मतदानाला सुरूवात झाली आहे. प्रत्येक बुथवर मतदारांनी मतदानाला सुरूवात केली आहे. २८८ जागांसाठी हे मतदान पार पडत आहे.
राज्यातील ८ कोटी ९५ लाख ६२ हजार ७०६ मतदार आपले मत नोंदवणार आहेत. यासाठी महाराष्ट्रात ९५,४७३ मतदान केंद्रे उभारण्यात आली आहेत. मतदानासाठी १.८ लाख ईव्हिएमचा वापर करण्यात आला आहे. प्रत्येक बुथवर निवडणूक आयोगकाडून मतदार याद्या उपलब्ध करून देण्यात आल्या आहेत. त्याचबरोबर विविध पक्षांच्या स्वयंसेवकही प्रत्येक बुथच्या बाहेर मतदारांना त्यांचे नाव आणि मतदार यादीतील क्रमांक शोधून देण्यास मदत करत आहे.