मुंबई- मध्य रेल्वेच्या प्रवाशांसाठी एक दिलासा देणारी बातमी आहे. लवकरच मध्य रेल्वेच्या प्रवाशांना लोकलच्या स्थानाबद्दलची अचूक माहिती मोबाईलवर मिळणार आहे. लोकलची अचूक वेळ आणि सध्या ती कोणत्या स्थानकात आहे, याची माहिती प्रवाशांना कळावी यासाठी मध्य रेल्वेने मेरी लोकल नावाचे एक नवीन अॅप तयार केले आहे.
अॅपबद्दल माहिती देताना संजय जैन, डीआरएम, मध्य रेल्वे
'मेरी लोकल' या अॅप मध्ये जीपीएसच्या माध्यमातून लोकलची सध्य स्थिती समजण्यास मदत होणार आहे. १५ ऑगस्टपर्यंत ते प्रवाशांच्या सेवेत आणण्यात येणार असल्याची माहिती मध्य रेल्वेचे विभागीय व्यवस्थापक संजयकुमार जैन यांनी दिली आहे.