मुंबई - शिवसेनेने मागील पाच वर्षात मोदींवर अनेकदा कडवी टीका केली. पण, आता ते सोबत लढत आहेत. त्यामुळे त्यांच्या अशा संधीसाधू राजकारणाला मुंबईची जनता धडा शिकवेल, असे वक्तव्य काँग्रेसचे मुंबई अध्यक्ष मिलिंद देवरा यांनी केले. मुंबईतून काँग्रेसचे खासदार निवडून येतील असा विश्वास त्यांनी व्यक्त केला.
काँग्रेसचे सर्व उमेदवार यशस्वी होतील असा विश्वास देवरांनी व्यक्त केला
शिवसेनेच्या खासदारांनी मोदींचे नाव घेऊन २०१४ च्या निवडणुका जिंकल्या. पण, मागील पाच वर्षांपासून ते त्यांच्या नावाने खडे फोडत आहेत. मोदींवर शिवसेनेने कडवी टीका केली. पण, आता ते निवडणुका लढण्यासाठी एकत्र आले आहेत. त्यामुळे त्यांच्या या संधीसाधू राजकारणाला मुंबईतील जनता उत्तर देईल, असे देवरा म्हणाले. यावेळी त्यांनी शिवसेनेचे खासदार अरविंद सावंत यांच्यावर निशाणा साधला. पाच वर्षात त्यांनी कोणतेही काम केले नसल्याचे ते म्हणाले.