शिवसेना पक्ष वाढवण्याची जबाबदारी असणार - सचिन अहिर

शिवसेनेत प्रवेश केल्यावर आजपासून पक्ष वाढवण्याची जबाबदारी असणार आहे, असे राष्ट्रवादी काँग्रेसमधून गुरुवारी शिवसेनेत प्रवेश केलेल्या सचिन अहिर यांनी म्हटले आहे.

मुंबई - शिवसेनेत प्रवेश केल्यावर आजपासून पक्ष वाढवण्याची जबाबदारी असणार आहे, असे राष्ट्रवादी काँग्रेसमधून गुरुवारी शिवसेनेत प्रवेश केलेल्या सचिन अहिर यांनी म्हटले आहे.

शहरीकरण व नागरीकरण मोठ्या प्रमाणात ग्रामीण भागातून वाढत आहे. आदित्य व उद्धव ठाकरे यांनी महत्त्वाची जबाबदारी दिली आहे. मुंबईपुरते काम न करता राज्याचा विचार करा असे त्यांनी सांगितले आहे. त्यानुसार अनके भागात काम करून मोठे योगदान देण्याचे काम करणार असल्याचे अहिर म्हणाले.

निवडणुकीच्या तोंडावर संघटनात्मक निर्णय घेतला जात नाही. गेल्या आठवड्यात याबाबत शरद पवार यांना भेटून पक्षाच्या परिस्थितीबाबत सूतोवाच केले होते. पवार यांच्यासमोर एकूणच पक्षाची राजकीय परिस्थिती ठेवली होती.

शिवसेनेकडून काही आश्वासन मिळाले आहे का? या प्रश्नावर मला शिवसेनेकडून कोणतेही आश्वासन मिळाले नाही, असे अहिर यांनी म्हटले.