मुंबई -मुंबई उपनगरातील नागरिकांना विरंगुळा ठिकाण असलेल्या पवई तलावाची आता पालिका मोठ्या प्रमाणत स्वच्छता आणि सुशोभीकरण करणार आहे. स्थानिक आमदार दिलीप लांडे यांच्या मागणीवरून तलाव सुशोभीकरण करण्याचा आराखडा बनवण्यासाठी बृहन्मुंबई महानगरपालिका अतिरिक्त आयुक्त पी. वेलरासू यांनी आज (11 ऑगस्ट) या तलावाची पाहणी केली.
पवई तलावाचे होणार सुशोभीकरण
या ठिकाणी गणेश मूर्ती विसर्जन, दुर्गामाता मूर्ती विसर्जन, छटपूजा असे विविध धार्मिक कार्यक्रम होत असतात. पवई तलाव हा एक निसर्गरम्य परिसर आहे. या ठिकाणी मोठ्या प्रमाणावर पर्यटक येत असतात. त्यामुळे तलावाचे सुभोभिकरण करून निसर्गाचा अमूल्य ठेवा जपणे
आवश्यक आहे. आता या तलावाशेजारी जॉगिंग ट्रॅक, बगीचा, जेष्ठ नागरिकांना बसण्यासाठी बेंच अशा विविध प्रकारच्या सोयी-सुविधा करण्यात येणारआहेत. तसेच तलावातील गाळ, वनस्पतींची साफसफाई करण्यात येणार आहे.