मुंबई - मुंबईत गेले काही दिवस कोरोना रुग्णांची संख्या वाढली होती. रोज 7 ते 11 हजाराच्यावर रुग्ण आढळून येत होते. त्यात गेल्या काही दिवसात घट झाली आहे. गेल्या रविवारी (31 मे) 676 रुग्ण आढळून आले होते. त्यात काहीशी वाढ पाहायला मिळत आहे. मुंबईत आज (7 जून) 728 नवे रुग्ण आढळून आले आहेत. आज 28 रुग्णांचा मृत्यू झाला. तर 980 रुग्णांना डिस्चार्ज देण्यात आला आहे. दरम्यान, रुग्ण दुप्पटीचा कालावधी 550 दिवसांवर पोहोचला आहे.
मुंबईची एकूण रुग्णसंख्या
मुंबईत आज 728 रुग्ण आढळून आले. यामुळे मुंईतील कोरोनाग्रस्तांचा आकडा 7 लाख 12 हजार 329 वर पोहोचला आहे. आज 28 रुग्णांचा मृत्यू झाल्याने मृतांचा आकडा 15 हजार 066 वर पोहोचला आहे. 980 रुग्णांना डिस्चार्ज देण्यात आल्याने रुग्ण बरे होण्याची संख्या 6 लाख 79 हजार 258 वर पोहोचली आहे.
मुंबईत आज 28 हजार 76 चाचण्या
मुंबईत सध्या 15 हजार 783 रुग्णांवर उपचार सुरू आहेत. रुग्ण बरे होण्याचे प्रमाण 95 टक्के आहे. तर रुग्ण दुप्पटीचा कालावधी 550 दिवस इतका आहे. मुंबईत कोरोना रुग्ण आढळून आलेल्या 26 चाळी आणि झोपडपट्ट्या कंटेंनमेंट झोन म्हणून घोषित करण्यात आले आहे. तर 96 इमारती रुग्ण आढळून आल्याने सील करण्यात आल्या आहेत. मुंबईत आज 28 हजार 76, तर आतापर्यंत एकूण 64 लाख 53 हजार 499 चाचण्या करण्यात आल्या आहेत, अशी माहिती पालिकेच्या आरोग्य विभागाने दिली.
रुग्णसंख्येत चढ-उतार
1 मे - 3908
2 मे - 3672
3 मे - 2662
4 मे - 2554
5 मे 3879
6 मे - 3056
7 मे - 3039
8 मे - 2678
9 मे - 2403
10 मे - 1794
11 मे - 1717
12 मे - 2116
13 मे - 1946.
14 मे - 1657
15 मे - 1447
16 मे - 1544