मुंबई - वैद्यकीय अभ्यासक्रमांच्या प्रवेशासाठी नॅशनल टेस्टिंग एजन्सीमार्फत रविवारी देशभरात घेण्यात आलेली नीट प्रवेश पात्रता परीक्षा सुरळीत पार पडली. मुंबई, पुणे आदी काही ठिकाणी विद्यार्थी वेळेत न पोहोचल्याने, तर काही ठिकाणी विद्यार्थ्यांनी आपले ओळखपत्र सोबत न आ‍णल्याने त्यांना परीक्षेपासून वंचित राहावे लागले. मात्र, या परीक्षेत रसायनशास्त्र आणि भौतिकशास्त्राचा पेपर सोपा गेला असला तरी जीवशास्त्राचा पेपर अवघड गेल्याच्या प्रतिक्रिया विद्यार्थ्यांनी दिल्या.
'नीट'ची परीक्षा सुरळीत; जीवशास्त्राचा पेपर कठीण, विद्यार्थ्यांच्या प्रतिक्रिया
राज्यातील विविध वैद्यकीय महाविद्यालयात प्रवेशासाठी नीट परीक्षा घेण्यात आली. ही परीक्षा अकरावी आणि बारावीच्या अभ्यासक्रमावर आधारीत होती. विद्यार्थ्यांना भौतिकशास्त्र आणि रसायनशास्त्र विषयाचे प्रश्न सोप्पे गेले. मात्र, जीवशास्त्राच्या ४ प्रश्नांनी विद्यार्थ्यांची डोकेदुखी वाढलवली.
फाईल फोटो
राज्यातील विविध वैद्यकीय महाविद्यालयात प्रवेशासाठी नीट परीक्षा घेण्यात आली. ही परीक्षा अकरावी आणि बारावीच्या अभ्यासक्रमावर आधारीत होती. विद्यार्थ्यांना भौतिकशास्त्र आणि रसायनशास्त्र विषयाचे प्रश्न सोप्पे गेले. मात्र, जीवशास्त्राच्या ४ प्रश्नांनी विद्यार्थ्यांची डोकेदुखी वाढलवली. यंदा जीवशास्त्राची प्रश्नपत्रिका कठीण काढण्यात आली असल्याची तक्रार विद्यार्थ्यांकडून ऐकण्यास मिळाली.
नीट परीक्षेच्या निकालावरच मेडिकल प्रवेश आधारीत असतात. त्यामुळे विद्यार्थ्यांमध्ये चिंतेचे वातावरण आहे. या परीक्षेत राज्यातून जवळपास २ लाख विद्यार्थ्यांनी नोंदणी केली होती. मुंबईत भवन्स महाविद्यालयात ही परीक्षा झाली. या केंद्रातील वैभव जैन या विद्यार्थ्याला परीक्षाबाबत विचारले असता तो म्हणाला, ८० टक्के प्रश्न अभ्यासक्रमातील होते, तर २० टक्के प्रश्न बाहेरील होते. त्यामध्ये जीवशास्त्र विषयाचा समावेश होता. त्यामुळे ते प्रश्न सोडवण्यात अनेक विद्यार्थ्यांना अडचण आली.