मुंबई - केंद्र सरकार राम मंदिरासाठी ट्रस्ट बनवू शकते तर मशिद बनवण्यासाठी का नाही बनवू शकत? असा सवाल राष्ट्रवादी काँग्रेस पक्षाचे अध्यक्ष शरद पवार यांनी सरकारला केला होता. देश सगळ्यांचा आहे आणि सगळ्यांसाठी आहे, असे पवार तुलना करत म्हणाले. यावर पवारांनी मुस्लिम समाजासाठी करता येईल ते करावे. मात्र, त्याची तुलना करू नका, असा टोला भाजपचे ज्येष्ठ नेते किरीट सोमय्या यांनी लगावला आहे.
शरद पवार यांनी राम मंदिराची तुलना बाबरी मस्जिद बरोबर केली याचा खेद आहे. अध्यायेत राम मंदिराचे निर्माण व्हावे, असे आदेश सर्वोच्च न्यायालयाने दिलेले आहेत. तसेच देशातील 121 कोटी लोकांचीही हीच भावना आहे. या भावनेचा मोदी सरकार आदर करते. काँग्रेस, राष्ट्रवादी काँग्रेस आणि शिवसेना यांना जर मुस्लिम समाजासाठी काही करायचे असेल तर त्यांनी ते खुशाल करावे, असे सोमय्या म्हणाले.