मुंबई- मुलुंड पूर्वच्या लक्ष्मीबाई इंग्रजी माध्यमिक शाळा व कनिष्ठ महाविद्यालयातील विद्यार्थी व कर्मचाऱ्यांनी मानव सेवा हीच ईश्वर सेवा या उक्तीप्रमाणे पूरग्रस्तांच्या मदतीसाठी धावले आहेत. शाळेतील आजी व माजी विद्यार्थी यांनी भरभरून प्रतिसाद देत मदत एकत्र करत पूरग्रस्त भागासाठी पाठवण्यात आली आहे.
मुलुंड पूर्वच्या लक्ष्मीबाई इंग्रजी माध्यमिक शाळेचा पूरग्रस्तांसाठी मदत
सांगली, सातारा, कोल्हापूर जिल्ह्यात काही दिवसांपूर्वी आलेल्या महापुरात शेतीचे, घरांचे मोठे नुकसान झाले. यात नागरिकांना जीवही गमवावा लागला. शेतात पाणीच पाणी असल्याने पिके भुईसपाट झाली आहेत. जिल्ह्यातील ग्रामीण भागातील कित्येक शाळांमध्ये पुराचे पाणी भरले होते. यामुळे शाळेतील साहित्य नष्ट झाले आहे.