Portfolio Allocation : खाते वाटपाचा तिढा सुटला! कही खुशी, तर कही गम ; कोणाला मिळाले कोणते खाते, जाणून घ्या

महाराष्ट्र मंत्रीमंडळाचे खातेवाटप झाले आहे. महाराष्ट्राचे नवनियुक्त उपमुख्यमंत्री अजित पवार यांच्याकडे वित्त आणि नियोजन खाते देण्यात आले आहे.

महाराष्ट्र पोर्टफोलिओ वाटप

Published : Jul 14, 2023, 4:40 PM IST

Updated : Jul 14, 2023, 5:10 PM IST

मुंबई :मुख्यमंत्री एकनाथ शिंदे यांनी आज खातेवाटप जाहीर केले. राज्य मंत्रिमंडळातील नवनियुक्त मंत्र्यांच्या खातेवाटपाबरोबरच सध्याच्या मंत्र्यांच्या खात्यांमध्ये देखील काही फेरबदल करण्यात आले आहेत. राज्यपाल रमेश बैस यांनी मंजुरी दिल्यानंतर हे खातेवाटप जाहीर करण्यात आले आहे.

अजित पवार यांच्याकडे वित्त व नियोजन खाते : मुख्यमंत्री एकनाथ शिंदे यांच्याकडे सामान्य प्रशासन, नगर विकास, माहिती व तंत्रज्ञान, माहिती व जनसंपर्क, परिवहन, सामाजिक न्याय, पर्यावरण व वातावरणीय बदल, खनिकर्म आणि इतर कोणत्याही मंत्र्यांना वाटप न केलेले विभाग आहेत. तर उपमुख्यमंत्री देवेंद्र फडणवीस यांच्याकडे गृह, विधी व न्याय, जलसंपदा व लाभक्षेत्र विकास, ऊर्जा, राजशिष्टाचार ही खाती असतील. उपमुख्यमंत्री अजित पवार यांच्याकडे वित्त व नियोजन खाते राहील.

तिढा सुटला पण पेच कायम? :अजित पवार यांच्या सत्तेतील सहभागामुळे खाते वाटपाचा तिढा सुटत नव्हता. मात्र सोमवार १७ जुलैपासून राज्य विधिमंडळाचं पावसाळी अधिवेशन सुरू होत असल्याने त्यापूर्वी खातेवाटप होणे गरजेचं होतं. खातेवाटपानंतर अनेकांची लॉटरी लागली आहे, तर अनेक मंत्री नाराज असल्याच्या चर्चा आहेत. त्यामुळे आता नाराज असलेल्या मंत्र्यांची नाराजी मुख्यमंत्री कसे दूर करतात हे बघणे महत्त्वाचे आहे.

26 मंत्र्यांची खाती पुढीलप्रमाणे :