मुंबई- लोकसभा निवडणुकीच्या तिसऱ्या टप्प्यात राज्यातील १४ मतदार संघामध्ये मतदान होणार असून २४९ उमेदवार निवडणूक रिंगणात आहेत. यात २ कोटी ५७ लाख ८९ हजार ७३८ मतदार आपला हक्क बजावणार आहेत. मतदान प्रक्रियेसाठी यंत्रणा सज्ज असून जास्तीत जास्त मतदारांनी आपला हक्क बजावावा, असे आवाहन मुख्य निवडणूक अधिकारी कार्यालयाने केले आहे.
लोकसभेच्या तिसऱ्या टप्प्यातील निवडणुकीत राज्यात २४९ उमेदवार रिंगणात असून यामध्ये १९ महिला उमेदवारांचा समावेश आहे. बारामती मतदार संघात सर्वाधिक ४ महिला उमेदवार आहेत. तर पुणे व माढा मतदारसंघात सर्वाधिक प्रत्येकी ३१ उमेदवार रिंगणात असून सर्वात कमी ९ उमेदवार हे सातारा मतदारसंघात आहेत.
| मतदारसंघ | उमेदवारांची संख्या |
| १४ |
| १२ |
| २० |
| २३ |
| १६ |
| १८ |
| ९ |
| १९ |
| १२ |
| १२ |
| १५ |
| १७ |
| ३१ |
| ३१ |
या प्रक्रियेत ५६ हजार २५ बॅलेट युनिट तर ३५ हजार ५६२ कंट्रोल युनिट देण्यात आली आहेत. तसेच ३७ हजार ५२४ व्हीव्हीपॅट यंत्रे सुद्धा या १४ मतदार संघात देण्यात आली आहेत. या टप्यातील प्रक्रियेसाठी एकूण १ लाख ४१ हजार ११३ कर्मचारी नियुक्त करण्यात आले आहेत. तसंच १७ हजार १९२ कर्मचाऱ्यांना राखीव म्हणून ठेवण्यात आले आहे. तिसऱ्या टप्प्यात एकूण १ कोटी ३३ लाख १९ हजार १० पुरुष तर १ कोटी २४ लाख ७० हजार ७६ महिला आणि ६५२ इतर नागरिक मतदानाचा हक्क बजावणार आहेत. अशी माहिती अतिरिक्त मुख्य निवडणूक अधिकारी दिलीप शिंदे यांनी दिली.
| मतदान केंद्रे | एकूण मतदारांची संख्या |
| २०१३ | १९ लाख २५ हजार 352 |
| १९०६ | १७ लाख ७३ हजार १०७ |
| २०५८ | १८ लाख ६५ हजार २० |
| २०२१ | १८ लाख ८४ हजार ८६५ |
| २१७९ | १६ लाख ५१ हजार ५६० |
| १९९७ | २० लाख ७४ हजार ८६१ |
| २३७२ | २१ लाख १२ हजार ४०८ |
| २०३० | १८ लाख ५४ हजार 248 |
| २०२५ | १९ लाख ४ हजार 845 |
| १८४८ | १८ लाख ३ हजार 53 |
| २२९६ | १८ लाख ३८ हजार 987 |
| १९४२ | १४ लाख ५४ हजार 524 |
| २१४८ | १८ लाख ७४ हजार 345 |
| १८५६ | १७ लाख ७२ हजार 563 |