Mangalprabhat Lodha On Thackeray Group : पंतप्रधान सर्व देशाचे, कुणाच्या वक्तव्याने काही फरक पडणार नाही- लोढा

पंतप्रधान नरेंद्र मोदी हे संपूर्ण देशाचे आहेत त्यामुळे त्यांना कोणीही आपला माणूस म्हणू शकतो. आपण त्यांचे आहोत असे सांगू शकतो. मुख्यमंत्र्यांनी आपण पंतप्रधानांचे असल्याचे सांगितल्याने शिवसेनेच्या वतीने केल्या जाणाऱ्या युक्तिवादात काही फरक पडणार नाही असा, दावा भाजपाचे मंत्री मंगल प्रभात लोढा यांनी केला आहे.

मुंबई -पंतप्रधान नरेंद्र मोदी यांनी मुंबईमध्ये गुरुवारी आल्यानंतर विविध विकास कामांचे उद्घाटन केले. यावेळी त्यांनी मुंबईकरांना साद घालत आगामी महानगरपालिका निवडणुकांच्या प्रचाराचे रणशिंगच फुंकले. मात्र यावेळी पंतप्रधान नरेंद्र मोदी यांच्यासमोर केलेल्या भाषणात मुख्यमंत्री एकनाथ शिंदे यांनी पंतप्रधान मोदी यांच्या कार्याचा गौरव केला तसेच त्यांच्यावर स्तुतीसुमने उधळली. यावेळी बोलताना मुख्यमंत्री एकनाथ शिंदे यांनी आपण मोदी यांचीच माणस आहोत असा उच्चार केला. मात्र त्यांचं हे वक्तव्य आता शिवसेना शिंदे गट, ठाकरे गट यांच्या सुरू असलेल्या निवडणूक आयोगासमोरील संघर्षामध्ये वापरले जाण्याची शक्यता व्यक्त केली जात आहे.

शिंदेंना शिवसेना हवी कशाला- सिब्बलदरम्यान एकनाथ शिंदे यांनी आपण पंतप्रधान मोदी यांचे असल्याचे सांगितल्याने ते भाजप पेक्षा वेगळे नाहीत त्यामुळे त्यांनी शिवसेनेवर दावा सांगण्याची गरज नाही असा युक्तिवाद शिवसेना ठाकरे गटाचे वकील कपिल सिब्बल हे निवडणूक आयोगासमोर करणार आहेत. त्यामुळे शिंदे राजकीय भाषणाच्या आवेशात बोलून गेल्यानंतर त्यांना आता त्याचा फटका बसण्याची शक्यता आहे.

पंतप्रधान देशाचे - लोढाया संदर्भात प्रतिक्रिया व्यक्त करताना भाजपचे मंत्री मंगल प्रभात लोढा यांनी सांगितले की पंतप्रधान हे देशाचे असतात त्यामुळे त्यांना कोणीही आपला माणूस म्हणू शकतो किंवा त्यांची सर्व माणसे आहेत असेही, म्हणता येईल त्यामुळे असे जर, कोणी मुख्यमंत्र्यांच्या वक्तव्याचा विपर्यास करून युक्तिवाद करणार असेल तर ते योग्य नाही असा, युक्तिवाद टिकणारही नाही असा दावा लोढा यांनी केला आहे.

दरम्यान, शिंदे आणि ठाकरे दोन्ही गटाने पक्षावर हक्क सांगितला असून पक्षचिन्हाची लढाई निवडणूक आयोग ते सुप्रीम कोर्टापर्यंत पोहोचली आहे. याप्रकणी आधी झालेल्या सुनावणीत खरी शिवसेना कोणाची, याचा निवाडा भारतीय निवडणूक आयोग करेल, असे सुप्रीम कोर्टाच्या घटनापीठाने म्हटले होते. त्यानुसार शिवसेना पक्ष आणि निवडणूक चिन्ह धनुष्यबाण यावर आज सुनावणी देणार आहे. उद्धव ठाकरे यांच्या शिवसेना पक्षप्रमुख पदाचा पाच वर्षांचा कार्यकाळ 23 जानेवारी 2023 रोजी संपत आहे.

प्रतिज्ञापत्र सादर करण्याच्या सूचना : निवडणूक आयोगाने दोन्ही गटाला त्यांच्याजवळ असलेले पदाधिकारी नेतेमंडळी आणि कार्यकर्त्यांचे प्रतिज्ञापत्र सादर करण्याच्या सूचना केल्या होत्या. त्या सूचनेप्रमाणे दोन्ही गटाकडून मोठ्या प्रमाणात प्रतिज्ञापत्रे सादर करण्यात आली आहेत. मात्र ठाकरे गटाकडून ठाण्याचे विजय चौगुले, रायगडचे राजाभाई केणी, नंदुरबारचे श्रीराम रघुवंशी, नंदुरबारचे किरनसिंह वसावे, चंद्रपूरचे नितीन माटे, धाराशिवचे दत्तात्रय साळुंखे, धाराशिवचे सुरज साळुंखे यांच्या कागदपत्रांवर निवडणूक आयोगासमोर झालेल्या सुनावणीत आक्षेप घेण्यात आला होता . त्यामुळे आजच्या सुनावणीवर आधी आक्षेप घेण्यात आलेल्या कागदपत्रांची तपासणी केली जाण्याची शक्यता नाकारता येत नाही.

हेही वाचा -Shiv Sena Symbol Hearing : धनुष्यबाण ठाकरेंचे की शिंदेंचे? निवडणूक आयोगासमोर दोन्ही गटांचा जोरदार युक्तिवाद सुरू