iPhone 15 launch in Mumbai : आयफोन खरेदीसाठी बीकेसीतील ॲपल शोरूम बाहेर राज्याबाहेरील ग्राहकांची झुंबड, आयफोन 15 मुंबईत उपलब्ध

iPhone 15 launch in Mumbai : आयफोन 15 लॉन्च मुंबईत करण्यात आला आहे. बीकेसीतील ॲपल शोरूम बाहेर राज्याबाहेरील ग्राहकांची झुंबड फोन खरेदीसाठी रांग लागलेली आहे. देशात या फोनची खूपच क्रेझ आहे.

मुंबई iPhone 15 launch in Mumbai : सध्या आयफोनची क्रेझ असून आयफोन 15 ही सिरीज आज लॉन्च झाली आहे. iPhone 15 सीरिजची आजपासून भारतासह जगभरात विक्री सुरू झाली आहे. चारही आयफोन मॉडेल यूएसबी सी आणि डायनॅमिक आयलंडसह खरेदी करता येतील. परंतु iPhone 15 Pro आणि iPhone 15 Pro Max जास्त दमदार वाटत आहेत. कारण ह्यात प्रो चिप, टायटेनियम बॉडी आणि जास्त झूम क्षमता आहे. आयफोन 15 हा लॉन्च झालेला नवा मोबाईल खरेदी करण्यासाठी बीकेसी येथील ॲपलच्या शोरूम बाहेर ग्राहकांची झुंबड उडालेली दिसत आहे. नाशिक, पुणे, अहमदाबाद येथून अनेक ग्राहक आयफोनच्या खरेदीसाठी आलेले आहेत.

डायनॅमिक आयलँड फीचर -IPhone 15 आणि 15 Plus मध्ये 48 MP कॅमेरा आला आहे. आधी 12 MP होता. डायनॅमिक आयलँड फीचर नवीन आहे. लाईटनिंग पोर्टच्या जागी UCB C टाईप पोर्ट आला आहे. त्यामुळे आता आयफोन 15 हा फोन सी टाईपच्या चार्जरनेच चार्ज करता येणार आहे. याआधीच्या मोबाईलला आयफोनचाच चार्जर आयफोन चार्ज करण्यासाठी गरजेचा होता. मात्र आज लॉन्च झालेल्या आयफोन 15 या मोबाईलसाठी कुठलाही सी टाईप चार्जर देखील उपयोगी पडू शकणार आहे. त्यामुळे जर तुमच्या आयफोन 15 ची बॅटरी डिस्चार्ज झाली. तर सोयीस्करपणे उपलब्ध असलेल्या सी टाईप चार्जरने तुम्ही तुमचा आयफोन चार्ज करू शकणार आहात. या मोबाईलचा प्रोसेसर नवीन आहे.

सर्वात शक्तीशाली प्रोसेसर -IPhone 15 Pro मध्ये प्रोसेसर आणि रॅम वगळता कोणताही बदल नाही. IPhone 15 Pro max मध्ये कंपनीचा सर्वात शक्तीशाली प्रोसेसर, जास्त रॅम आणि नवीन झूम लेन्स मिळते. तसंच Ring/silent बटन ऐवजी अ‍ॅक्शन बटन देण्यात आलं आहे अशी माहिती टेक्नॉलॉजी एक्सपोर्ट विकास आयवले यांनी टीव्ही भारतशी बोलताना दिली आहे.

नवीन पेस्टल कलर -iPhone 15 आणि the iPhone 15 Plus मध्ये गेल्या वर्षीचा ए१६ बायोनिक प्रोसेसर आणि डायनॅमिक आयलंड मिळतो. त्याचबरोबर नवीन पेस्टल कलर आणि कर्व एज देखील ह्या मोबाईल फोन्समध्ये देण्यात आले आहेत. तसंच प्रो मॉडेलमध्ये स्मूद एज आणि कमी वजन असल्यामुळे सहज हाताळता येतात. ह्यात ३ नॅनोमीटर प्रोसेसवर बनलेली वेगवान ए१७ प्रो चिप देण्यात आली आहे. त्याचबरोबर ८जीबी रॅम, जास्त ब्राइट डिस्प्ले, वेगवान यूएसबी सी पोर्ट, टायटेनियम बॉडी आणि सुधारित कॅमेरा देण्यात आला असल्याची माहिती देखील विकास आयवले यांनी दिली आहे.

हेही वाचा...