मुंबई - आज(रविवार) जगभरात आंतरराष्ट्रीय महिला दिन साजरा होत आहे. या निमित्त मध्य रेल्वेने लोकल, एक्सप्रेस आणि मालगाड्यांची जबाबदारी महिला कर्मचाऱयांकडे दिली. महिलांनीही आपली कामगिरी चोख बजावत त्यांच्यावर दाखवलेला विश्वास साध्य करुन दाखवला.
मध्य रेल्वेची जबाबदारी महिलांवर
मुंबई-लखनऊ दरम्यान धावणारी पुष्पक एक्सप्रेस महिला चालकाने चालवली. या एक्सप्रेस गाडीमध्ये सर्व महिला कर्मचारी नेमण्यात आले होते. आशियातील पहिल्या महिला रेल्वे चालक आणि लोको पायलट (मेल) सुरेखा यादव यांनी ही पुष्पक एक्सप्रेस चालवली. त्यांच्यासोबत लोको पायलट संगीता सरकार, वरिष्ठ सहायक लोको पायलट आणि श्वेता घोने यांनी गार्डची जबाबदारी सांभाळली. या गाडीतील तिकीट तपासणीसाठी आणि आरपीएफ कर्मचारी देखील महिलाच होत्या.