एक्झिट पोलनंतर मुंबईत भाजपची आढावा बैठक

राज्यातील लोकसभेच्या जागांचे काय निकाल लागतील, याबाबतचा आढावा घेण्यासाठी भाजपने आज बैठक बोलवली आहे.

मुंबई - राज्यातील लोकसभेच्या जागांचे काय निकाल लागतील, याबाबतचा आढावा घेण्यासाठी भाजपने आज बैठक बोलवली आहे. या बैठकीत विधानसभा निवडणुकीची आखणीही केली जाणार आहे. शिवाय राज्यातील दुष्काळी परिस्थितीचा आढावा देखील घेतला जाणार असून त्याप्रमाणे सुचना देखील दिल्या जाणार आहेत.

या बैठकीत पक्षाचा पुढील 6 महिन्यांतील कार्यक्रम निश्चित केला जाणार आहे. या बैठकीला मुख्यमंत्री देवेंद्र फडणवीस, प्रदेशाध्यक्ष रावसाहेब दानवे, एकनाथ खडसे, बबनराव लोणीकर, मनोज कोटक, राम शिंदे, सुभाष देशमुख, गिरीश बापट, कांचन कुल उपस्थित आहेत.