मुंबई : भारतीय जनता पक्षाचे आमदार आशिष शेलार यांनी नरेंद्र मोदी यांच्यावर तयार केलेली डॉक्युमेंटरी TISS संस्थेत दाखवल्यास भारतीय जनता पक्ष आपली भूमिका घेईल असा इशाराच दिला आहे. ट्विटच्या माध्यमातून आशिष शेलार यांनी हा इशारा दिला आहे. पंतप्रधान नरेंद्र मोदी यांच्यावर तयार केलेली ही डॉक्युमेंटरी मुंबईत दाखवल्याने कायदा सुव्यवस्थेचा प्रश्न निर्माण होईल. कायदा शिवसेनेचा प्रश्न निर्माण होऊ नये यासाठी पोलिसांनी तातडीने या चित्रकर्णावर बंदी घालावी असेही आपल्या ट्विट मधून आशिष शेलार यांनी सांगितला आहे.
डॉक्युमेंटरी भारतामध्ये लीक :द मोदी क्वेशन नावाच्या माहितीपटातून गुजरात दंगलींबाबत देखील चित्रकार करण्यात आलेला आहे. ज्यावेळी गुजरात मध्ये दंगली उसळल्या होत्या. त्यावेळेस मुख्यमंत्री म्हणून पंतप्रधान नरेंद्र मोदी तिथे होते. मुख्यमंत्री म्हणून नरेंद्र मोदी यांची भूमिका संशयास्पद होती असे या डॉक्युमेंटरी मधून दाखवण्यात आले असल्याचा आरोप भारतीय जनता पक्षाच्या कार्यकर्त्यांनी नेत्यांकडून करण्यात येत आहे. ही डॉक्युमेंटरी विदेशात प्रसिद्ध झाले असली तरी भारतामध्ये तिला प्रसिद्ध करण्यात आलेले नाही. मात्र तरीही ऑनलाइन माध्यमातून जी डॉक्युमेंटरी भारतामध्ये लीक झाली आहे.
प्रतिमेला तडा जाईल असे चित्रीकरण :पंतप्रधान नरेंद्र मोदी यांच्यावर आधारित एका नामांकित वृत्तसंस्थेने डॉक्युमेंटरी तयार केली आहे. या डॉक्यूमेंटरी मध्ये पंतप्रधान नरेंद्र मोदी यांच्या प्रतिमेला तडा जाईल असे चित्रीकरण करण्यात आलेला आहे. त्यामुळे या डॉक्युमेंट्रीला भारतीय जनता पक्षाने चांगलाच विरोध केला आहे. दिल्लीतील जे एन यु संस्थेत देखील या डॉक्युमेंटरी दाखवण्यावरून विद्यार्थ्यांमध्ये वाद झाला होता. तोच वाद आता मुंबईत देखील पाहायला मिळतोय. मुंबई टाटा इन्स्टिट्यूट ऑफ सोशल सायन्स या संस्थेत डॉक्युमेंटरी दाखवण्याच्या मुद्द्यावरून वाद निर्माण झाला आहे. ही डॉक्युमेंटरी दाखवू नये यासाठी भारतीय जनता पक्षाकडून प्रयत्न केले जात आहेत. मात्र ही डॉक्युमेंटरी दाखवल्यास भारतीय जनता पक्ष आक्रमक होईल. आज भारतीय जनता पक्षाच्या युवा मोर्चाकडून टाटा इन्स्टिट्यूट ऑफ सोशल सायन्स या संस्थेवर आंदोलन करण्याचा इशाराही देण्यात आलेला आहे.
डॉक्युमेंटरी स्क्रिनिंगला विद्यापीठाचा विरोध :डॉक्युमेंटरीचे स्क्रीनिंग रात्री 9 वाजता सुरू होणार होती. मात्र, विद्यापीठ प्रशासनाकडून याला परवानगी नाकारण्यात आली होती. विद्यापीठाच्या आदेशाला न जुमानता विद्यार्थ्यांनी माहितीपट दाखवण्याचा निर्णय घेतला. जेएनयू प्रशासनाने स्क्रीनिंगला परवानगी दिली नाही. तसेच डॉक्युमेंट्रीच्या स्क्रीनिंगनंतर शिस्तभंगाची कारवाई केली जाईल, असेही सांगितले. विद्यार्थ्यांनी आग्रह धरला की स्क्रीनिंगमुळे कोणत्याही विद्यापीठाच्या नियमांचे उल्लंघन होणार नाही किंवा जातीय सलोखा बिघडणार नाही.
टीसने पंतप्रधानांच्या बदनामीचा प्रयत्न करू नये -एडवोकेट शेलार :बीबीसी ने तयार केलेल्या डॉक्युमेंटरीद्वारे असत्य आणि अपप्रचार केला जात आहे. टिस सारख्या संस्थेने अथवा तेथील विद्यार्थ्यांनी अशा पद्धतीने पंतप्रधानांचा अपप्रचार करू नये, अन्यथा आम्हाला आमच्या पद्धतीने वागावे लागेल, असा इशारा भाजपाचे मुंबई अध्यक्ष शेलार यांनी दिला आहे.