मुंबई- बालभारतीच्या पहिली ते दहावीच्या पुस्तकातील कवितांचा बच्चेकंपनीसाठी धमाल रंगमंचीय अविष्काराचा पहिला प्रयोग मुंबईत शिवाजी मंदिरात सादर झाला. बालरंगभूमीवर काम करणाऱ्या गंधार या संस्थेमार्फत हा अविष्कार सादर करण्यात आला.
शिवाजी मंदिरात रंगला बालभारतीच्या कवितांचा धमाल अविष्कार
बालभारतीच्या अनेक कविता आजही कानावर पडल्या तर आबालवृध्दांना शाळेतील बाकावर नेऊन बसवितात. अशा निवडक ३० हून अधिक कवितांचे विद्यार्थ्यांसमोर नाट्य, गायन, वाचन, नृत्य स्वरुपात सादरीकरण झाले तर त्यांना दप्तराचे ओझे वाटणारी पुस्तके हलकी वाटू लागतील आणि या नव्या मित्रांशी विद्यार्थ्यांची मैत्री जमेल. या उद्देशाने या कार्यक्रमाचे आयोजन करण्यात आले.