रिया चक्रवर्तीच्या जामीन याचिकेवर सत्र न्यायालयात उद्या सुनावणी

अंमली पदार्थ विरोधी पथकाने(एनसीबी) मंगळवारी सुशांतसिंहची मैत्रीण रिया चक्रवर्ती हिला अटक केली होती. रिया चक्रवर्ती आणि शोविक चक्रवर्तीच्या जामीन अर्जावर आज सत्र न्यायालयात युक्तिवाद झाला. उद्या याप्रकरणी सुनावणी होणार आहे.

मुंबई-अमली पदार्थ विरोधी पथकाने(एनसीबी) मंगळवारी सुशांतसिंह राजपूतची मैत्रीण रिया चक्रवर्ती आणि तिचा भाऊ शोविक चक्रवर्ती यांच्या जामीन अर्जावर उद्या (शुक्रवार) सत्र न्यायालयात सुनावणी होणार आहे. रियाचे वकील अ‌ॅड.सतीश मानेशिंदे यांनी आज युक्तिवाद केला. या प्रकरणातील 6 जणांच्या जामीन अर्जावर युक्तिवाद पूर्ण झाला असून उद्या निर्णय होईल, असे दीपेश सावंत याचे वकील राजेश राठोड यांनी सांगितले.

सत्र न्यायालयात आज झालेल्या सुनावणीत अ‌ॅड.सतीश माने शिंदे यांनी युक्तिवाद केला. रियाचा 16 पाणी कबुली जवाब न्यायालयाने वाच ला आहे. आज 3 तासापासून अधिक वेळ सुनावणी सुरू होती. सरकारी वकिलांच्यावतीने देखील आज युक्तिवाद करण्यात आला. एनसीबीला अजूनही तपास करायचा असल्याने आरोपींना जामीन देण्यास विरोध करण्यात आला.

हेही वाचा-कंगनाच्या याचिकेवरील सुनावणी 22 सप्टेंबरपर्यंत स्थगित

एनसीबीने या प्रकरणातील सर्व आरोपींना जामीन देण्यास विरोध केला. या प्रकरणात अजून काही गोष्टी समोर येणार आहेत, असा दावा एनसीबीने केला आहे. अमली पदार्थांचा वापर हा व्यावसायिक गोष्टींसाठी करण्यात आल्याचा दावा देखील एनसीबी कडून करण्यात आला.

न्यायालयाने सर्वांच्या जामीन अर्जांवरील युक्तिवाद ऐकला आहे. याबाबत न्यायालय उद्या निर्णय देईल, अशी माहिती दीपेश सावंत याचे वकील राजेश राठोड यांनी दिली. 6 जणांच्या जामीन अर्जावर युक्तिवाद पूर्ण झाला असून उद्या निर्णय दिला जाईल, असेही राजेश राठोड यांनी म्हटले.