मुंबई Babil Khan : चित्रपटसृष्टीतील अष्टपैलू अभिनेता दिवंगत इरफान खानवर आजही त्यांचे चाहते खूप प्रेम करतात. दरम्यान इरफान खान यांचा मुलगा बाबिल खान हा त्याच्या साधेपणासाठी खूप चर्चेत असतो. बाबिल सोशल मीडियावर खूप देखील सक्रिय आहे. बाबिल अनेकदा चाहत्यांशी, पापाराझीसोंबत प्रेमानं बोलताना दिसतो. त्याच्यासोबत अनेकदा चाहतेसुद्धा सुंदर पोस्ट शेअर करतात. आता बाबलची फोटो सोशल मीडियावर खूप व्हायरल होत आहे. त्यानं या फोटोमध्ये वडील इरफान खानची पँट घातलेली आहे. इतकेच नाही तर व्हिडिओमध्ये बाबिल पापाराझींना हृदयस्पर्शी गोष्टी सांगताना दिसत आहे.
बाबिल खान मुंबई वितमातळावर स्पॉट :बाबिल खान हा नुकताच मुंबई वितमातळावर स्पॉट झाला. या व्हिडिओमध्ये तो पापाराझींना बोलताना दिसत आहे. बाबिल खानचं पापाराझींनी त्याच्या लूकसाठी कौतुक केलय. त्यानंतर तो त्यांना सांगतो, की ही बाबांची पॅन्ट आहेत. एवढंच नाही, तर लवकरच मी तुम्हांला अभिमान वाटेल असंही काहीतरी नक्कीच करेल. आता बाबिल खानच्या व्हायरल झालेल्या या व्हिडिओवर अनेकजण प्रेमाचा वर्षाव करताना दिसत आहे. या व्हिडिओमध्ये त्यानं निळ्या रंगाच्या पँटसह निळ्या-पांढर्‍या प्रिंटचा शर्ट परिधान केला आहे. बाबांच्या कूल आउटफिटसोबतच त्यानं टोपी आणि चष्मा घालून आपला लूक पूर्ण केला. या लूकमध्ये तो खूप खास दिसत आहे.