मुंबई :माजी मंत्री अनिल देशमुख यांच्यावर गंभीर स्वरूपाचा आरोप असल्यामुळे तसेच त्यांना या आरोपा प्रकरणी अनेक महिने तुरुंगात राहावे लागले होते .तरी अद्याप सदर प्रकरणाची पूर्ण चौकशी झालेली नाही. या प्रकरणातील एक मुख्य आरोपी मुंबई पोलीस दलातील माजी अधिकारी सचिन वाझे हा सध्या तळोजा तुरुंगात आहे. त्याची देखील चौकशी सुरू आहे. या सर्व पार्श्वभूमीवर माजी मंत्री अनिल देशमुख यांना देखील मुंबई सोडून इतरत्र कुठेही जाता येणार नाही अशा प्रकारची ही बंदी घातली होती.
18 जूनपर्यंत ते देशात फिरायला मुक्त : न्यायमूर्ती राहुल रोकडे यांनी मुंबई सत्र न्यायालयाचे न्यायाधीशांसमोर या प्रकरणी अनिल देशमुख यांना मुंबई आणि इतरत्र ठिकाणी कामकाजासाठी जाण्याबाबत अनुमती मिळावी म्हणून अर्ज केला होता. स्वतः अंमलबजावणी संचनालय यांच्या मागणीनुसार चौकशी होईपर्यंत मुंबई आणि मुंबईच्या बाहेर त्यांना इतरत्र कुठे जाऊ देता कामा नये, अशा स्वरूपाची मागणी केली होती. परंतु आता अनिल देशमुख यांच्या मागणीवर न्यायालयाने विचार करत त्यांना मुंबई आणि मुंबईच्या बाहेर देशात कुठेही जाता येईल, असा निर्देश दिला. मात्र यामध्ये एक महत्त्वाची अट घातली. ती म्हणजे फक्त पुढील 18 जूनपर्यंत ते देशात फिरायला मुक्त राहील, असे न्यायमूर्ती रोकडे यांनी म्हटले आहे.