मुंबई - राष्ट्रवादीचे नेते आणि माजी उपमुख्यमंत्री अजित पवार यांनी आमदारकीचा राजीनामा दिला आहे. त्यांनी विधानसभा अध्यक्ष हरिभाऊ बागडे यांच्याकडे राजीनामा दिला. विधानसभा निवडणुकीच्या पार्श्वभूमीवर अजित पवारांनी अचानक राजीनामा दिल्याने सर्वांच्याच भुवया उंचावल्या आहेत.
कारण गुलदस्त्यात
नेमक्या कोणत्या कारणामुळे अजित पवार यांनी आमदारकीचा राजीनामा दिला याची माहिती मिळाली नाही. अजित पवार यांचे नाव शिखर बँक घोटाळा प्रकरणात पुढे आले होते. त्यांच्यासह ७० जणांची नावे २५ हजार कोटींच्या घोटाळ्यात समोर आली होती. ज्यामध्ये शरद पवार यांचेही नाव होते. आज दिवसभर शरद पवार हे ईडीच्या कार्यालयात हजेरी लावणार ही बातमी चर्चेत होती. मात्र, पवारांनी आपला निर्णय मागे घेतला.
राजीनामा ताबडतोब मंजूर करण्याची पवारांची बागडेंना विनंती