लॉकडाऊनच्या काळात राज्यभरात सायबर सेल पोलिसांकडून 161 गुन्हे दाखल

कोरोनाच्या पार्श्वभूमीवर सध्या राज्यात लॉकडाऊन आहे. या परिस्थितीचा काही गुन्हेगार व समाजकंटक गैरफायदा घेण्याचा प्रयत्न करत आहेत. महाराष्ट्र सायबर सेल या गुन्हेगारांना पकडून त्यांच्यावर गुन्हे दाखल करत आहे.

मुंबई - कोरोनाच्या पार्श्वभूमीवर सध्या राज्यात लॉकडाऊन आहे. या परिस्थितीचा काही गुन्हेगार व समाजकंटक गैरफायदा घेण्याचा प्रयत्न करत आहेत. महाराष्ट्र सायबर या गुन्हेगारांना पकडून त्यांच्यावर गुन्हे दाखल करत आहे. तसेच हे गुन्हे रोखण्यासाठी महाराष्ट्र सायबर टिक टॉक, फेसबुक, ट्विटर व अन्य सोशल मीडियावर चालणाऱ्या गैरप्रकारांवर बारीक लक्ष ठेवून आहे.

महाराष्ट्र राज्यातील विविध पोलीस स्टेशनमध्ये आतापर्यंत 161 गुन्हे दाखल करण्यात आले आहेत. यामध्ये बीड 22, कोल्हापूर 13 , पुणे ग्रामीण 12 , मुंबई 11 , जळगाव 10 , जालना 9 , नाशिक ग्रामीण 8 , सातारा 7 , नांदेड 6 नागपूर शहर 5 , नाशिक शहर 5, परभणी 5 , ठाणे शहर 5 , बुलढाणा 4 , गोंदिया 3 , भंडारा 3 , अमरावती 3 , लातूर 3 , नंदुरबार 2 , नवी मुंबई 2 , उस्मानाबाद 2 , हिंगोली 1 असे गुन्हे दाखल करण्यात आले आहेत.

महाराष्ट्र सायबरनुसार धार्मिक तेढ निर्माण करणारे आपत्तीजनक व्हाट्सअप मेसेज फॉरवर्ड केल्याप्रकरणी 89 गुन्हे दाखल झाले आहेत . तर आक्षेपार्ह फेसबुक पोस्ट शेअर केल्याप्रकरणी 41 गुन्हे दाखल करण्यात आले आहेत. टिक टॉक व्हिडिओ शेअर प्रकरणी 3 गुन्हे दाखल करण्यात आले असून , ट्विटरद्वारे आपत्तीजनक केल्याप्रकरणी 3 गुन्हे दाखल करण्यात आलेले आहेत. सोशल मीडियाचा गैरवापर केल्याप्रकरणी 23 गुन्हे आतापर्यंत दाखल करण्यात आले असून यामध्ये 36 आरोपींना अटक करण्यात आलेली आहे.