स्वामी रामानंद तीर्थ मराठवाडा विद्यापीठाच्या निर्णयाविरोधात लातूर उपकेंद्रात विद्यार्थ्यांचे आंदोलन

परीक्षेच्या तोंडावर अभ्यासक्रम बदलण्यात आला असून एकाच दिवशी दोन पेपर देखील घेण्यात आहे. यामुळे शैक्षणिक नुकसान झाल्याचा आरोप करत विद्यार्थ्यांनी विद्यापीठाच्या लातूर उपकेंद्रात आंदोलन केले.

लातूर - स्वामी रामानंद तीर्थ मराठवाडा विद्यापीठाने अभ्यासक्रम बदलल्याने या अंतर्गत येणाऱ्या महाविद्यालयांचा निकालाचा टक्का घसरला आहे. परीक्षेच्या तोंडावर अभ्यासक्रम बदलण्यात आला असून एकाच दिवशी दोन पेपर देखील घेण्यात आहे. यामुळे शैक्षणिक नुकसान झाल्याचा आरोप करत विद्यार्थ्यांनी विद्यापीठाच्या लातूर उपकेंद्रात आंदोलन केले.

पूर्वीप्रमाणे परीक्षा घेण्यात यावी आणि झालेल्या परीक्षेचे पुनर्मूल्यांकन करावे, अशी मागणी यावेळी विद्यार्थ्यांनी केली. विद्यापीठाने घेतलेल्या या निर्णयामुळे गुणवत्ता ढासळली आहे. शिवाय केवळ १० टक्केच विद्यार्थी हे सत्र परीक्षा उत्तीर्ण झाले आहेत. याचे खापर विद्यार्थ्यांनी विद्यापीठावर फोडले.

हेही वाचा -शेतकरी कर्जमाफी, महिला अत्याचाराबाबत विधानसभेत विरोधकांचा गदारोळ, सभागृह दुसऱ्यांदा तहकूब

दीड महिन्यापूर्वी घेण्यात आलेल्या परीक्षेत विद्यापीठाकडून अचानक फेरबदल करण्यात आला होता. एकाच दिवशी ऐच्छिक विषयाचे दोन पेपर घेण्यात आल्याने गुणवत्तेवर देखील परिणाम झाला आहे. विद्यार्थी महाविद्यालयात उपस्थित नसल्याने त्यांना याबाबतची माहिती नसावी. परीक्षा पार पडल्यानंतर गुणपत्रिका येताच हे आंदोलन केल्या गेल्याचे स्पष्टीकरण विद्यापीठाचे संचालक डॉ. देवेंद्रनाथ मिश्रा यांनी यावेळी दिले.