लातूर -नैसर्गिक आपत्ती आणि महागाईमुळे राज्यात अनेक ठिकाणी बळीराजाने दिवाळी साजरी केली नाही. मात्र, राजकीय नेते सत्ता संघर्ष आणि खुर्चीच्या मागे लागले आहेत. संभाजी ब्रिगेडने याचा निषेध व्यक्त करत लातूर शहरातील शिवाजी चौकात वामन पुतळा दहन केला.
संभाजी ब्रिगेडने वामनाचा पुतळा जाळून राजकीय पुढाऱ्यांचा निषेध केला
संभाजी ब्रिगेडने दिवाळी पाडव्याच्या दिवशी 'ईडा पिडा टळो बळीचे राज्य येवो', अशा घोषणा दिल्या. सोबतच हलगी वाजवत शहरातून मिरवणूक काढली. सध्या राज्यासह लातूर, उस्मानाबाद, बीड, नांदेड जिल्ह्यातील अनेक ठिकाणी दुष्काळी परिस्थिती आहे. अशा परिस्थितीत राजकीय पुढाऱ्यांचे सत्तेच्या लालसेपोटी शेतकऱ्यांच्या नुकसानभरपाईकडे लक्षच नाही.