लातूर : लातुरात शुक्रवारपासून विभागीय क्रीडा स्पर्धांना सुरवात झाली आहे. पहिल्याच दिवशी लातूर- नांदेड या जिल्ह्यात अटीतटीचा क्रिकेट सामना झाला. एक षटक राखून जिल्हाधिकारी जी. श्रीकांत यांनी आपल्या संघाला विजय मिळवून दिला. त्यानंतर संघाबरोबर गाण्यावर ठेका धरत जिल्हाधिकारी यांनी आनंद साजरा केला.
जिल्हाधिकारी जी. श्रीकांत यांनी गाण्यावर धरला ठेका
७ फेब्रुवारी पासून लातुरात विभागीय क्रीडा स्पर्धांना सुरवात झाली आहे. याची तयारी म्हणून गेल्या काही महिन्यांपासून महसूल विभागाचा संघ जिल्हाधिकारी कार्यालयाच्या मैदानावर कसून सराव करीत होता. त्यामुळेच आजच्या पहिल्या सामन्यात त्यांना विजय खेचता आला आहे. जिल्हाधिकारी जी. श्रीकांत यांच्या नेतृत्वात हा विजय मिळाला आहे.