लातूर जिल्हा परिषदेत भाजपची सत्ता कायम ; अंतर्गत गटबाजी थोपवण्यात पक्षाला यश

लातूर जिल्हा परिषेदेत अखेर भाजपला सत्ता कायम ठेवण्यामध्ये यश मिळाले आहे. प्रतिष्ठेच्या मानल्या जाणाऱ्या या निवडीत भाजपच्या राहुल केंद्रे यांची अध्यक्षपदी तर उपाध्यक्षपदी भारतबाई सोळंके यांची निवड झाली आहे.

लातूर -जिल्हा परिषदेच्या निवडणुकीत अंतर्गत गटबाजीचा फटका भाजपला होणार का ? असा सवाल उपस्थित झाला होता. मात्र, पक्षश्रेष्ठींनी या निवडीकडे लक्ष दिले असल्याने अंतर्गत गटबाजीवर अंकुश घालण्यास पक्षाला यश मिळाले आहे. लातूर जिल्हा परिषेदेत अखेर भाजपला सत्ता कायम ठेवण्यामध्ये यश मिळाले आहे. प्रतिष्ठेच्या मानल्या जाणाऱ्या या निवडीत भाजपच्या राहुल केंद्रे यांची अध्यक्षपदी तर उपाध्यक्षपदी भारतबाई सोळंके यांची निवड झाली आहे.

हेही वाचा... पेट्रोल-डिझेलच्या दरवाढीचा 'भडका'; मुंबईत पेट्रोल ८१.२८ रुपये/लिटर

एकूण ५७ सदस्य असलेल्या लातूर जिल्हा परिषदेच्या अध्यक्ष-उपाध्यक्ष पदाची निवड सोमवारी यशवंतराव सभागृहात पार पडली. सत्तांतरच्या उद्देशाने संख्याबळ कमी असतानाही काँग्रेसचे उमेदवार अध्यक्षपदाच्या शर्यतीमध्ये होते. सोनाली थोरमोटे यांनी अध्यक्ष पदासाठी अर्ज दाखल केला होता. मात्र, भाजपचे ३५ सदस्य आणि आघाडीचे १९, शिवसेना ०१, अपक्ष २ असे संख्याबळ असल्याने काँग्रेसला विजय खेचता आला नाही.

हेही वाचा... कंपनी निबंधक कार्यालयाला एनसीएलएटीचा धक्का; फेटाळली 'ही' याचिका

दुसरीकडे भाजपकडून अध्यक्षपदासाठी रामचंद्र तिरके आणि राहुल केंद्रे हे इच्छुक होते. त्यामुळे माघार कोण घेणार आणि माघार घेतलेला उमेदवार काय भूमिका घेणार, यावरच सर्व गणिते अवलंबून होती. अंतिम टप्प्यात पक्षश्रेष्ठींनी रामचंद्र तिरुके यांची समजूत काढली आणि त्यांनाच माघार घेण्यास सांगितले. त्यामुळे अध्यक्षपदी राहुल केंद्रे यांची वर्णी लागली आहे.

हेही वाचा... जेएनयूमधील हिंसाचाराचे मुंबईत पडसाद, 'गेट वे ऑफ इंडिया'समोर विद्यार्थ्यांचे आंदोलन

महानगरपालिकेप्रमाणे जिल्हा परिषदेमध्येही फोडाफोडीचे राजकारण होणार का ? अशी शंका उपस्थित केला जात होता. मात्र, भाजपच्या सर्व सदस्यांनी एकी दाखवल्याने ही सत्ता कायम राहिली आहे. तर उपाध्यक्षपदी भारतबाई सोळंके यांची निवड झाली आहे. निवड प्रक्रिया पार पडताच जिल्हा परिषद परिसरात कार्यकर्त्यांनी एकच जल्लोष केला.