कोल्हापूर - उन्हाळ्याला सुरूवात झाली असून, राज्यात तापमानाचा पारा वाढत आहे. कोल्हापुरातसुद्धा तापमान चांगलेच वाढले आहे. माणसांना जसा उन्हाचा त्रास होतो. तसाच त्रास प्राण्यांना सुद्धा होताना दिसत आहे. यापासून संरक्षण मिळवण्यासाठी कोल्हापूरच्या हेरले गावात हत्तीने चक्क आंघोळ करत मनसोक्त आनंद लुटला.
सध्या उन्हाळ्याचे दिवस आहेत. यापासून संरक्षण मिळवण्यासाठी प्रत्येकाने नवनवीन उपाय शोधत असतो. कोल्हापुरच्या हेरले गावात हत्तीला उकाडा असह्य झाल्याने, त्याने थंड होण्यासाठी गावातील एका पाण्याच्या टाकीतून पाणी काढून अंगावर मारून मनसोक्त आनंद लुटला. उन्हाळ्याचे दिवस असल्याने सूर्य डोक्यावर आग ओकतोय तेंव्हा स्वाभाविकच आहे. हत्तीला पाणी भेटले तर तो याचा मनसोक्त आनंद घेण्याची संधी सोडणार नाही. असच काहीसे चित्र या गावामध्ये आज नागरिकांना पाहायला मिळाले. एका कार्यक्रमाच्या मिरवणुकीसाठी हत्तीला या गावात आणले होते, यावेळी यावेळी हे चित्र पाहायला मिळाले आहे. हत्तींना पाण्यात डुंबायला आणि खेळायला फार आवडते. त्यामुळे सोंडेत पाणी घेऊन फवाऱयासारखे डोक्यावर सोडतानाचे दृश्य या गावकऱ्यांना आज पाहायला मिळाले. हत्तीने केलेली थंडा थंडा कुल कुल अंघोळीचे दृश्य पाहण्यासाठी आणि कॅमेऱ्यामध्ये टिपण्यासाठी नागरिकांनी गर्दी केली होती.