कोल्हापूर - येथील सीपीआर मधील उच्च पदस्थ असणाऱ्या डॉक्टरांना सुद्धा घशात खवखव आणि कोरोनाची लक्षणे जाणवू लागल्याने त्यांनी स्वतःचे स्वॅब पुणे येथील राष्ट्रीय विषाणू संस्थेत तपासणीसाठी पाठविले आहेत. परवा सकाळी या टेस्टचा अहवाल सीपीआरमध्ये येणार असल्याची माहिती मिळत आहे. याची माहिती समोर येताच कोल्हापूरसह सीपीआर परिसरात भीतीचे वातावरण पसरले आहे.
कोल्हापुरात अद्याप कोरोनाबाधित रुग्ण नसल्याचे जिल्हा प्रशासनाने स्पष्ट केले आहे. मात्र, परदेशातून कोल्हापुरात येणार्‍या नागरिकांची कटाक्षाने कोरोना तपासणी केली जात आहे. अशातच सीपीआरमधील उच्च पदस्थ डॉक्टरांनी स्वतःचे स्वॅब टेस्टसाठी पाठवले असल्यामुळे परिसरात काही प्रमाणात भीतीचे वातावरण निर्माण झाले आहे.